Ukrayna hərbçiləri ruslara qarşı hücumlarını davam etdirir və Luqansk vilayətinin Kremennoy yaxınlığında uğur qazanıb.
BUTA.TV xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.
Məlumata görə, hətta rus təbliğatçıları da artıq Ukraynanın Liman sektorunda hücumu bərpa etməyə hazırlaşdıqlarını bildirirlər:
"Yanvarın 8 və 9-da Rusiya və Ukrayna qoşunları Svatovo-Kremennoy xətti boyunca hücum əməliyyatlarını davam etdirdilər. Bu tarixlərdə Ukrayna ordusu Rusiya qoşunlarının Stelmaxovkaya (Svatovodan 15 km şimal-qərb-red) hücumlarını dəf edib. Ukrayna komandanlığının Kupyansk-Svatovo xəttində qüvvələrin rotasiyasını həyata keçirdiyini rusiyalı təbliğatçı Rıbarin də bildirib. Ukrayna Baş Qərargahı bildirib ki, rus qoşunları Makeyevka (Kremennoydan 22 km şimal-qərb-red), Beloqorovka (Kremennoydan 10 km cənub-red) və Krasnopopovka (Kremennoydan 6 km şimal-red) ərazilərinə hücum edib. Yanvarın 8-də Kremennoy bölgəsində şiddətli döyüşlər gedib və ruslar müdafiə xəttini saxlamaq üçün bu əraziyə bir neçə batalyon və ağır texnika yerləşdiriblər", - məlumatda deyilib.
Qeyd olunur ki, rus təbliğatçıları artıq Kremennoyda Ukraynanın hücumunun bərpasından danışaraq panikaya başlayıblar. Rusiyalı hərbi müxbirlər cəbhədəki hadisələrdən məyus olduqlarını gizlədə bilməyiblər.
- Ermənistanın hərbi paradında İran izi - Fotolar
- Azərbaycanda ət ucuzlaşacaq
- Çayda köməksiz vəziyyətdə qalan şəxs xilas edildi - Video
- Azərbaycandan Peterburqa getmək istəyənlərin nəzərinə
- “Yol bərbad vəziyyətdədir, avtobus da, taksi də gəlmir” - Video
- PSJ - “Arsenal” matçı əlavə vaxta getdi - Canlı+Yenilənir
- Avropadan Azərbaycana ən çox turist bu ölkələrdən gəlib
- Yollarda görünüş məsafəsi 1000 metrədək məhdudlaşacaq