Vətəndaşların rahat və təhlükəsiz hərəkətinin təmin edilməsi məqsədilə aparılan təxirəsalınmaz təmir-bərpa işləri davam etdirilir.

Azərbaycan Avtomobil Yolları Dövlət Agentliyindən (AAYDA) BUTA.TV-a bildirilib ki, gündəlik həyata minimum maneə yaratmaq üçün işlər əsasən istirahət günlərində həyata keçirilib. Layihələrin vaxtında başa çatdırılması məqsədilə həftəsonları 24 saat fasiləsiz iş rejimi təşkil olunub.

Qeyd olunub ki, təmir prosesi zamanı nəqliyyatın hərəkətinə minimum təsirin göstərilməsi üçün bütün zəruri tədbirlər görülüb.

Görülən işlər nəticəsində paytaxtın 4 ərazisində təmir-bərpa işləri uğurla yekunlaşdırılıb. Bunlar aşağıdakılardır:

R.Behbudov küçəsi (Ş. Bədəlbəyli küçəsindən A. A. Bakıxanov küçəsinə qədər olan hissə);

Z.Bünyadov prospekti (M. Nərimanov küçəsindən X. R. Ulutürk küçəsinə qədər);

A.M.Şərifzadə küçəsi (Ə.Əhmədov küçəsindən A.Abbasov küçəsinə qədər olan hissə);

Bakı Dairəvi yolundan “Meyvəli Ticarət Mərkəzi”nə gedən yol.

Agentlikdən vurğulanıb ki, yol infrastrukturunun yaxşılaşdırılması istiqamətində işlər mərhələli şəkildə davam etdiriləcək.

AAYDA vətəndaşların rahat hərəkətini təmin etmək üçün fəaliyyətini fasiləsiz davam etdirir.

• Sultan Süleymanı görmüş ağac - 854 yaşı var+Video
• Sabah Masazırda işıq olmayacaq
• Ermənistanın hərbi paradında İran izi - Fotolar
• Azərbaycanda ət ucuzlaşacaq
• Çayda köməksiz vəziyyətdə qalan şəxs xilas edildi - Video
• Azərbaycandan Peterburqa getmək istəyənlərin nəzərinə
• “Yol bərbad vəziyyətdədir, avtobus da, taksi də gəlmir” - Video
• PSJ ardıcıl ikinci dəfə Çempionlar Liqasını qazandı - Yenilənib+Video